سونے اور چاندی کی قیمتوں میں مسلسل دوسرے روز کمی

عالمی اور مقامی مارکیٹوں میں سونے کی قیمت میں مسلسل دوسرے روز بھی کمی ریکارڈ کی گئی ہے، جس سے سرمایہ کاروں اور خریداروں کی توجہ ایک بار پھر اس جانب مبذول ہو گئی ہے۔

آل پاکستان صرافہ جیمز اینڈ جیولرز ایسوسی ایشن کے مطابق بین الاقوامی بلین مارکیٹ میں فی اونس سونے کی قیمت میں 10 ڈالر کی کمی ہوئی ہے، جس کے بعد نئی عالمی قیمت 4,778 ڈالر تک آ گئی ہے۔

عالمی مارکیٹ میں کمی کے اثرات مقامی صرافہ بازاروں میں بھی دیکھے گئے جہاں 24 قیراط سونے کی فی تولہ قیمت میں ایک ہزار روپے کمی ہوئی، جس کے بعد نئی قیمت 5 لاکھ 162 روپے مقرر ہوئی۔

پیٹرولیم مصنوعات کی قیمتوں میں بڑی کمی

اسی طرح ملک میں 10 گرام سونے کی قیمت میں بھی 857 روپے کی کمی ریکارڈ کی گئی، جس کے بعد نئی قیمت 4 لاکھ 28 ہزار 808 روپے ہو گئی ہے۔

سونے کے ساتھ ساتھ چاندی کی قیمتوں میں بھی نمایاں کمی دیکھنے میں آئی ہے، جہاں فی تولہ چاندی 59 روپے کم ہو کر 8 ہزار 358 روپے تک پہنچ گئی ہے۔

مزید برآں، 10 گرام چاندی کی قیمت میں 51 روپے کی کمی کے بعد نئی قیمت 7 ہزار 165 روپے ہو گئی ہے، جو مارکیٹ میں مجموعی رجحان کی عکاسی کرتی ہے۔